Анасын арқалаған Ердос Қанаевтың әрекеті елді тәнті етті (ВИДЕО)

Өнер жұлдызы Ердос Қанаев әлеуметтік желідегі жазбасымен көпшіліктің жүрегін елжіретті, деп хабарлайды Skifnews.kz ақпарат порталы.

Әнші анасына деген алғысын ерекше сөздермен жеткізді:

"Мен көтеріп жүрген – анам емес, жүрегімнің қалауы. Ана жақсылығын арқама көтеріп қайтару мүмкін емес. Бірақ бұл – анамның ақ сүтін ақтауға деген талпынысым, Алланың разылығына ұмтылысым ғана."

Ол сондай-ақ отбасындағы тәрбиенің әке өнегесімен де тығыз байланысты екенін атап өтті:

"Мен ғана емес, біздің үйде әкем де анама ерекше құрметпен қарайтын. Бірде анашым қатты ауырып, отаға мұқтаж болғанда, әкем қасына келіп: «Алла өміріңді ұзақ әрі берекелі етсін, әрдайым біздің басымыздан жоғары болып жүре бер» – деп дұға етті де, сел қозғағандай қатты жылады. Бұл сәт мен үшін адалдықтың ең үлкен сабағы болды."