Зекет дегеніміз — Аллаһтың сақтандыруы екен ғой.
Психолог, коуч Айнұр Тұрсынбаева ислам дініндегі зекеттің маңызын түсіндірді. Айтыскер ақын әлеуметтік желідегі парақшасында жариялаған видеода өзі куә болған ерекше оқиғаны баяндап берген, деп хабарлайды Sn.kz ақпарат порталы.
“Исламда зекет деген нәрсе бар ғой. Зекет садақадан бөлек. Ол сенің тапқан табысыңның 2.5%. Кәдімгі шариғаттың бухгалтері. Мысалы біз салықты өліп тіріліп төлейміз. Зекетті олай төлемейміз. Шын айтайын, өйткені салықтан қорқамыз. Алладан салықтан қорыққандай қорықпаймыз. Бір күні топан су басып жатқан ауылдарда ешқандай су тимеген үйдің видеосы тарады. Айналасындағы, алдындағы, артындағы үйдің барлығын су алып кеткен. Бірақ ана үй тұр. Соны бір ұстазға көрсетіп “Мынау не ғажайып? Бұл үйде тақуа адам тұра ма” дедім. Сонда ол кісі “Жоға, зекетін уақытында берген адам ғой” деді. Зекет дегеніміз — Аллаһтың сақтандыруы екен ғой. Яғни, 2,5% Аллаһтың салығын төлеп тұрған кезде қалған 98% Аллаһ қорғап тұрады екен. Бізде адамдар ақшамды мына жаққа сақтап қойдым, жылжымайтын мүлік алып қойдым дейді ғой. Оның ешқайсысы сақталатынына кепіл жоқ. Үй бір-ақ күнде құнсызданып кетуі мүмкін. Тұрған ақшаң жоқ болып кетуі мүмкін. Зекет — “мен сенің ақшаңды қорғаймын” деген Алланың кепілі”, — дейді Тұрсынбаева.