«Лыпылдап жүріп, депутат болуға ұмтылмаңыздар!»: журналист маңызды үндеу жасады

Танымал журналист Нұрсейіт Жылқышыбай әншілерге, блогерлер мен БАҚ өкілдеріне үндеу жасап, саясатқа жауапкершілікпен қарауға шақырды, деп хабарлайды Sn.kz ақпарат порталы.

Ол әлеуметтік желідегі жазбасында шоу-бизнес пен медиа саласындағы өкілдердің партия атынан депутат болуға ұмтылуын сынға алды.

«Парламент тарайды, жаңа құрылтай құрылады дейді. «Бәрі жақсы болады» деген әңгімені ести беруден жалықпаймыз… Бір өтініш бар. Әнші, журналист, блогер, квншиктер – лыпылдап жүріп, партия атынан «халық қалаулысы» болуға ұмтылмасаңыздар екен», – деді ол.

Журналистің пікірінше, парламент – ел тағдыры шешілетін маңызды институт.

«Бұл әдемі сөз сөйлейтін студия да, сахна да емес, бұл – мемлекет тағдыры айқындалатын орын», – деді ол.

Жылқышыбайдың бұл көзқарасын әлеуметтік желі қолданушылары қолдап, түрлі пікір білдірді.