Мәдениет & Шоубиз 04.12.2017 сағат 09:46

А.Мұхамедиұлы: «Шығармашылық адамы аш болса өнімді еңбек етеді»

Бүгін Мәжілістегі үкімет сағатында сөз сөйлеген ҚР Мәдениет және спорт министрі Арыстанбек Мұхамедиұлы Қазақстандағы өнер адамдарының жалақысы жайында сөз қылды.

Бөлісу
Бөлісу
Бөлісу

Министрдің айтуынша, мәдениет пен өнер саласында еңбек етіп жүрген жандардың айлық-жалақысы расымен де мардымсыз. Дегенмен, шығармашылық адамы аш болса ол табысты еңбек етеді деп жұбатты министр өнер саңлақтарын.

«Жалақы расымен де төмен. Халықта айтады ғой, шығармашылық адамы аш болған сайын жемісті еңбек етеді деп. Мәселен, Бетховен, Моцарттар тақыр кедейлікте өмір сүріп, керемет туындылар ойлап тапқан. Бәлкім біздің дарындылардың әлемдік деңгейдегі жетістіктерге жетіп жүргеніне осы төменгі жалақылары себеп шығар. Қазір дарынды танымал өнер иелері өз күштерімен табыс тауып жүргенде, кітапхана, музей, мәдениет үйлерінің қызметкерлері расымен де қаражатқа өте мұқтаж», - деді А.Мұхамедиұлы.

Ал, Қаржы вице-министрі Татьяна Савельева болса Мәдениет министрінің сөзін жоққа шығарып отыр. Оның айтуынша, 2005-2011 жылдар аралығында мәдениет пен өнер саласы қызметкерлерінің жалақысы 5 рет көтерілген екен.

«Әр кезде 25-30 пайыздан өсіп отырды. Соңғы рет 2016 жылы Еңбек және халықты әлеуметтік қорғау министрлігі жасап шыққан жалақы төлем жүйесі енгізілген кезде көтерілді. Ең төменгі жалақы осы мәдениет саласында болғандықтан біз ол кезде айлықтарын 40 пайызға бір-ақ өсірдік», - деді вице-министр.

Еңбек және халықты әлеуметтік қорғау вице-министрі Светлана Жакупова болса кітапханашылар мен архив қызметкерлері ең төменгі жалақы алатындар қатарында екенін айтты.
«Қазіргі таңда кітапханашылар жалақысы 50 мың теңгеден 70 мыңға, архив қызметкерлерінің жалақысы 44 мыңнан 66 мыңға көтерілді», - деді ол.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар