Бағым Мухитдинова туысы Ашаны жақтап, «Қалаулымды» жабуға қарсы шықты

Продюсер Бағым Мухитдинова туыс сіңлісі әрі атышулы «Қалаулым» бағдарламасының жүргізушісі Аша Матайды жақтап желіге пост жазды. Оның айтуынша рейтингі жоғары әрі көрермені көп жобаны жабу – әбестік.

«Рейтингісі өте жоғары бардарламаны жабайық деп жатқандарды түсінбеймін. Егер көп көрермен жинаса, онда көруге әбден тұрарлық жоба болғаны да. Сондықтан мен бағдарламаны жабуға қарсы екенімді айтқым келеді. Әріптестер, өтініш, түсіністікпен қараңыздар. Аша, мен әрқашан өзіңмен біргемін», – деп Мухитдинова сіңлісіне қолдау білдірді.

Айта кетейік, бұған дейін «Қалаулым» бағдарламасының жабылатыны жайлы сүйінші хабарды айтыскер ақын Айнұр Тұсынбаева өзінің Instagram-парақшасында мәлімдеген болатын. Тіпті, Сәкен Майғазиевті қолдаған әріптестері «Қалаулым» жабылсын» деп флешмоб та бастаған. Кейін Алматылық жастар «жобаның жабылуына қарсымыз» деп видеоүндеу жолдады.