Жазира Жанболатқа дәрігердің басқа әйел алуға кеңес бергенін айтты

Өмірде де өнерде де жұптары жазылмайтын Жазира мен Жанболатқа көпшілік қызыға да қызғана да қарайтыны анық. Олардың бір-біріне деген махаббатын жүздерінен анық көруге болады. Қызығымен қатар шыжығын бірге көріп келе жатқан отбасылық өмірдің өткен сәттерін Жазира былайша еске алды.

«Жанболат бүгін Қазбекке: «Балам, мен басқа әйел алмайтын болдым, алғым келмей қалды», – дейді. Бірде ауырып, бір жасы үлкен дәрігерге барғанымда, дәрігер Жәкеңе қарап: «Жанболат, сен одан да басқа әйел ала сал, мына Жазираңды емдетіп шығынданғанша…», – деп қалжыңдап, жылап отырған жерімнен күлдіріп жіберген еді. Сол қалжыңның жалғасы екен ғой. Сәл ауырып, қайта жазылып шықсам, осылай қалжыңдайтын болыпты», – деп жазды әнші Instagram-парақшасында.

Айта кетейік, Жазира мен Жанболаттың 19 жастағы Қазбек есімді жалғыз ұлы бар.