«Отау құрғанына 25 жыл»: Димаш Құдайберген әкесінің анасына арнаған әнін жарыққа шығармақ

Айтуынша, осыдан 20 жыл бұрын бұл әнді әкесі анасына арнап жазған екен.

«Осы айдың 20-жұлдызында «Сағындым» деп аталатын әнді сіздерге тарту етпекпіз! Бұл әнді осыдан 20 жыл бұрын әкем анама арнап шығарған болатын. Ата-анамның отау құрғанының 25 жылдығына орай шыққалы жатқан туындымызды қабыл алыңыздар!», – деп жазды Димаш өз Instagram-парақшасында.

Айта кетсек, Димаш Құдайберген ата-әжесінің тәрбиесінде өскен бала. Ол басылымдарға берген әр сұхбатында өз туған анасы мен әкесіне аға-әпкесіндей қарайтынын айтып отырады.