Назарбаевтың рөлін сомдайтын актерлер ауысып кетті

Елбасы Нұрсұлтан Назарбаевты үнемі Нұрлан Әлімжан сомдайтын. Осы жолы бұл рөл актер Берік Айтжановқа бұйырыпты.

Бұл туралы Baistars.kz хабарлайды.

Алматыда «Так сложились звезды» фильмі түсіріліп жатыр. Картина режиссері – ресейлік Сергей Снежкин.

Аталмыш киноға еліміздің танымал актерлері таңдалып алынған. Азамат Сатыбалды, Ғани Құлжанов, Еркебұлан Дайыров та түсірілім алаңында тер төгуде.

Естеріңізге сала кетсек, киноэпопеяның төртінші бөлімі 2014 жылдың желтоқсанында көрсетілді. Оған дейінгілері «Балалық шағымның аспаны», «Отты өзен» және «Теміртау» деп аталған болатын.