$ 444.22 € 476.38 ₽ 4.82
Осыдан бір жыл бұрын ғана жалғыз ұлын ұяға қондырып, қолы ұзарған әнші Жеңіс Ысқақованың қуанышы көпке созылмапты. Прагада білім алып келген Айбатыр анасын басқа қалаға іссапарға кеткенде тастап кетіпті.
Ысқақова ұлының бөлек кеткеніне емес, рұқсат алмағанына ренжулі секілді.
«Мен Астанада жүргенде өздері бөлек кетіп қалды менің рұқсатымсыз. Өздері біледі ғой енді», - деген әншінің жанарына зер салсаң, көңілі босап, эмоциясын әрең жасырып тұрғанға ұқсайды.
«Балама жеткілікті тәрбиені бердім» деген ол ұлының бақытты болғанын қалайтынын айтады.
«Мен баламды тәрбиеледім. Ұлым басқаның көңіліне қарап қалған. Ал келінім анасының тәрбиесін көрген. Сондықтан да мен оларды өз заңыммен жүргізе алмаймын», - дейді Ысқақова «31-арнадан» шығатын «Айта берсін» бағдарламасында.
Еске сала кетейік, былтыр қыркүйек айында Жеңіс Ысқақова жұлдызды енелердің тізіміне қосылып, ұланасыр той өткізген еді. Әншінің ұлы Айбатыр Карина есімді қызбен шаңырақ көтерген.
