Димаш Құдайберген Алла Пугачеваға арналған кеште өнер көрсетпек

Димаш Құдайберген Ресей эстрадасының «примадоннасы» атанған Алла Пугачеваға арналған кеште өнер көрсетеді. 8 сәуір күні Мәскеуде өтетін концерт жайлы әншінің өзі Instagram әлеуметтік желісінде мәлім етті.

«Алла Пугачеваның шығармашылық кешінде жолыққанша», - деп жаңалығымен бөлісті Димаш Құдайберген.

Концерт 8 сәуір күні Мәскеудегі Крокурс Сити Холда өтеді.

Еске сала кетейік, осыған дейін Мәскеуде Димаш Құдайбергеннің жеке кеші өтті. Концертке әншінің әкесі мен анасы, ата-әжесі және нағашы апасы арнайы қолдау көрсету үшін барған. Кеш барысында Димаш жақындарын орындарынан тұрғызып, көрерменге таныстырған.

Сондай-ақ әншінің тыңдармандарының бірі Димаштың қуыршақ нұсқасын ұсынды. Қолдан жасалған туындыны жанкүйерлерінің бірі Кремль сарайында өткен жеке концертінде тарту еткен.