Димаштың отбасы Игорь Крутойдың туған күніне не сыйлады? (ВИДЕО)

«Россия-1» телеарнасындағы «Привет, Андрей» бағдарламасында жүргізуші Андрей Малахов Димаш Құдайбергеннің отбасы Түркияда композитор Игорь Крутойға туған күнінде не сыйлағанын айтты, деп хабарлайды Тengrinews.kz.

«Бұл туған күніңізде алған ең үлкен сыйлық сияқты», – деді Малахов.

Қазақстандық әнші мен оның отбасы композитордың туған күніне Крутойдың өзі мен жары Ольга бейнеленген үлкен портрет сыйлаған.

«Отбасымызбен не сыйлаймыз деп ойладық. Сіздің тамаша отбасыңызды, Ольгамен қарым-қатынасыңызды көріп жүрміз. Келесі жылы 25 жылдықтарыңызды атап өтесіздер. Осы қонақтар отбасыларыңыздың 50, кейін 70 жылдық мерейтойына келуін тілейміз», – деді Димаштың әкесі Қанат Айтбаев.

Димаштың сыйлығы туралы айтылған сәт видеодағы 1:13:54-те.