Мәдениет & Шоубиз 05.01.2020 сағат 03:00

«Сені қоғам өлтіріп тастады»: жазушы Аягүл Мантай марқұм Жанар Хамитова туралы ой толғады

«Жанар... сен өз өліміңмен жасанды қоғамның, жасанды адамдардың, біреудің тағдырын талқыға салатын тобырдың бетіне түкіріп кеттің».
«Сені қоғам өлтіріп тастады»: жазушы Аягүл Мантай марқұм Жанар Хамитова туралы ой толғады
Бөлісу
Бөлісу
Бөлісу

Белгілі жас жазушы Аягүл Мантай facebook парақшасына әнші Жанар Хамитованың не себепті өз-өзіне қол жұмсағаны туралы тереңнен тебіренген жазба қалдырды, деп жазады Skifnews.kz ақпарат порталы.

Оқырманның одан өзінше ой түюі үшін біз жазушы толғанысын үзіп-жұлмай, толық қалпында жариялағанды жөн көрдік...

«Жанар... Жанар (Хамитова) туралы көп ойлаймын. Ойламайын десең де, санаңның бір түкпірінде тұрады. Оны өмірде көргенім жоқ. Араласқаным жоқ. Бірақ, жаныма жақын. Əлде жалғыздығын, жалғыздығының тым терең екенін түсінген шығармын.

Жанар секілді адамда дос көп болмайды. Көп адаммен араласса да, жалғыз болады. Егер ол шынайы емес, жасанды болса, өлмес еді. Шынайы адамдардың жаны тым нəзік болады. Шынайы адамдар депрессияға жиі түседі. Жасанды адамдар өзіне келмейтін əртүрлі образды ойнап, мұңға батпайды. Олар образдан шықпайды. Тіпті, əртүрлі образ ойлап табады. Олар күндердің күнінде өзінен жиіркенбесе, өзінен жалықпаса, өзін табуы қиын.

Ал шынайы адам рөл ойнай алмайды. Шынайы адам бір-екі өтірік айтса да, өзін кешіре алмайды. Шынайы адамға өмір сүру қиын. Шынайы адамға біздің қоғамда өмір сүру тіпті қиын.

Жанар, егер біз өмірде кездессек, не туралы сөйлесер едік? Əрине, жан тыныштығы туралы... жоқ, дəлірегі жан тыныштығын таппай аласұру туралы, депрессия туралы əңгімелесер едік.

Депрессияға түскен адамға психолог көмектеседі деген өтірік екенін, айналаңдағы адамдардың жылуы, мейірім, махаббат құтқаратынын, ең бастысы, өзіңді өзің ғана құтқаратыныңды сен білдің, əрине!

Фрейд неге танымал психолог болды? Бір ғана себебін айтайын. Ол да жиі депрессияға түсті, жаны тыныштық таппады, депрессиядан шығудың жолын іздеді. Сосын өзгелермен өз тəжірибесін бөлісті. Ол депрессияға түсіп қиналмаса, депрессиядан азап шеккен адамды түсінбес еді. Біздегі көптеген психологтарды жаттап алғанын зуылдатып айтып беретін «сөйлейтін бас» деп түсінем. Сенің де солай түсінгеніңе күмəнім жоқ. Сенің интеллектің жоғары болмаса, сенің жаның қиналмас еді.

Сені қоғам өлтіріп тастады. Сенің нəзік жаның ауыр сөздерді көтере алмады. Шынайы адамның жаны тым нəзік болады. Тым жараланғыш болады.

Жаның енді тыныштық тапты ма, нəзігім?

Жанар... сен өз өліміңмен жасанды қоғамның, жасанды адамдардың, біреудің тағдырын талқыға салатын тобырдың бетіне түкіріп кеттің. Сен шынайы едің! Ал шынайы адам биік болады. Сен өз биігіңде қаласың.

Жалғыздығы терең адам біреуді жақсы көрсе – шын жақсы көреді, рас, жек көрсе – шын жек көреді.

Көптің ішінде өзін жалғыз сезінетін адам – менің досым!».

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар