Мәдениет & Шоубиз 13.03.2020 сағат 05:55

Атағы жоқ актер: Әбунасыр Серіковтің құпиясын қызы айтып берді

«Біз үшін әкем халық әртісі. Жақында «Халық әртісі» атағын анам алды. Әкемде атақ жоқ. Өзі түскен фильмдерді көрмейді», - дейді Ханшайым Серікова.
Атағы жоқ актер: Әбунасыр Серіковтің құпиясын қызы айтып берді
фото: newsvideo.su
Бөлісу
Бөлісу
Бөлісу

Отандық кинофильмдерде жиі бой көрсететін Әбунасыр Серіковтің ешқандай атағы жоқ. Бүгінде комедия жанрындағы картиналарда басты рөлдерді сомдап жүрген актер өзі түскен туындыларды да көрмейді. Алайда, Серіковке халықтың пікірі аса маңызды. Бұл туралы әзілкештің қызы Ханшайым Серікова айтып берді, деп хабарлайды NUR.KZ, Youtube желісіндегі «Juldyzdan Jaryq» бағдарламасына сілтеме жасап.

Ханшайымның өзі де өнер жолына бет бұруға әзір. Бірақ, ол өз саласында жетістікке ата-анасының қолдауынсыз жеткісі келеді. Себебі, алғашында өнер академиясында білім алу туралы ойын отбасы қолдай қоймаған. Алайда, тағдырдың айдауымен арудың жолы өнермен тоғысыпты.

«Әкемнің өнерге келуіне үй-іші, ата-әжеміз қарсы болған. Біз үшін әкем халық әртісі. Жақында «Халық әртісі» атағын анам алды. Әкемде атақ жоқ. Өзі түскен фильмдерді көрмейді. Бірақ, «фильм қалай?», «халыққа ұнап жатыр ма?» деп сұрап отырады»,- деді Ханшайым.

Халық көңілінен шығып, көпшіліктің көзайымына айналған актердің қызы мансапқа қарағанда отбасылық өмірді алға қояды. Сондықтан ол анайы рөлдерге қарсы. Әлі келін атанбаса да, болашақ ата-енесі мен өз әке-шешесінің абыройын жоғары ұстауды дұрыс деп санайды.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар