Мәдениет & Шоубиз 20.09.2020 сағат 01:05

«Қытайда мұндайларды халықты алдаған ұры ретінде жазалайды»: Әбдірайымов әншілерге талап қоятынын айтты

“Сен сондайсың” деп бетке басқан күннің өзінде депутатымыз өзінің қаншалықты патриот екенін дәлелдеп шыға алады. Ол үшін небір амалды қолдана алады.
«Қытайда мұндайларды халықты алдаған ұры ретінде жазалайды»: Әбдірайымов әншілерге талап қоятынын айтты
фото: syr-media.kz
Бөлісу
Бөлісу
Бөлісу

 Ащы әжуамен қоғамның кемшіліктерін жіпке тізетін әзілдің майталмандары неге депутаттардың атын атап, оларды сынамайды? Бұл туралы белгілі журналист Нартай Аралбайұлы өзінің инстаграм парақшасы арқылы тікелей эфирде "Шаншар" театрының директоры Уәлибек Әбдрайымовтан сұрады. 

Әбдірайымов бұған дейін жас әнші-актерлерді сынағаны бар. Әзілмэннің әлі жеткені жастар ғана болып, шекпенділерге шамасы келмегені ме?

Уәлибек аға бұған дейін де депутаттарды қызметіне байланысты тікелей  атын атап сынап көрген де екен. Бірақ айтуынша, онысы адамның жеке басына қолсұғушылық екенін ескермеген. Сондықтан мұндай тақырыптардан алыс жүреді. Иә, атын атап “жамандау” арқылы опа таппайсың. “Сен сондайсың” деп бетке басқан күннің өзінде депутатымыз өзінің қаншалықты патриот екенін дәлелдеп шыға алады. Ол үшін небір амалды қолдана алады. Келісесіз бе?

Халық әншілердің фонограммамен ән салатынын біле тұра сол кешке неге барады? 

- Халықтың санасы көтерілмей, фонограммамен айтатын әнші азаймайды. Өкініштісі, халық фонограмманың болатынын біле тұра концертке барады. Сондықтан көпшілік бұл мәселеде саналы түрде әрекет етуі керек. Қытайда мұндайларды халықты алдаған ұры ретінде жазалайды. Ал бізде оларға ешқандай тұсау болмай тұр. Қолымнан бар келетіні: театрдың концерттерінде әншілерге әнді шынайы дауыста ән салуын талап етемін.

Уәлибек Әбдірайымов саясатқа келуі мүмкін бе?

- Мен саясаткер емеспін. Ауылдың баласы болғасын “Ауыл” партиясына тіркелгем. Партия егер депутаттыққа адам ұсынар болса, өнер саласының мәселелерін көтертуге барымды салар едім.

Қазақ қалжыңының сапасын қалай көтереміз?

- Тіл дамымай, ұлттық қалжың дамымайды. Бір әзілді журналист, филологтар мен Политехті бітіргендерге айтар болсаң, алғашқылары  ғана күледі. Шет тілде оқыған техниктерге қазақы тілдің қаймағын түсіну қиын.  Сондықтан ауызекі сөйлеуімізде көбірек қазақша сөйлеуіміз керек. Көп сөйленсін қазақ тілі!

Театр майталманының сөздері түсінгенге ой салар. Сіз қалай ойлайсыз? Әртістердің мінбердегілерге “ауыз салуы” ақтала ма?

Дереккөз: Adyrna.kz 
 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар