$ 449.58  486.94  4.86

«Етегі түрілмеген қызбын»: әнші Балжан Бидаш сүйіктісімен айырылысқанын айтты

"Арада бала дүниеге келіп, ажырасып, өзімізді де, ата-анамызды да бақытсыз қылғанша, сәбилерді толық емес отбасыда өсіргенше, жөн-жоралғы жасалмай тұрып, екіге айырылғанымыз дұрыс болады деп шештім..."

Отандық танымал әнші Балжан Бидаш жеке өміріне қатысты ел көкейінде жүрген басты сұраққа өзі жауап беріп, бар шындықты айтты. Өткен жылы ғана сүйіктісінің үйлену туралы ұсынысын қабыл алған өнер иесі енді онымен бірге емес екенін мойындады. Қос ғашық айырылысып кеткен болып шықты деп жазады KAZ.NUR.KZ. 

Балжан Бидаш жеке өміріне қатысты жан сырын Instagram парақшасында ақтарды. Әнші ару өзіне қатысты түрлі қауесеттерге нүкте қойып, ақиқатты айтты. 

"Бүгін көбісін мазалаған сұрақа жауап берейін деп шештім. 2019 жылы экс-жігітім ұсыныс жасады. Мен “Иә” дедім. Ол жігітті сол кезде жақсы көргендіктен, басқа жауап беруім мүмкін емес еді. Алайда, бізде той былай тұрсын, сырға салу, құдалық сияқты жөн-жоралғылар жасалған жоқ. Мен етегі түрілмеген, жат жұрттың табалдырығын аттамаған қызбын. Қазір - басым бос. Экс-жігітіммен әңгімеміз жараспай, отбасы болсақ, ұзаққа бармайтынымызды уақытылы түсінгеніме шүкір деймін. Менің де келін атанғым келеді, сүйікті жар болғым келеді, бұл барлық қыздардың арманы шығар. Алайда арада бала дүниеге келіп, ажырасып, өзімізді де, ата-анамызды да бақытсыз қылғанша, сәбилерді толық емес отбасыда өсіргенше, жөн-жоралғы жасалмай тұрып, екіге айырылғанымыз дұрыс болады деп шештім.

Негізі, “Жыл таңдауындағы” сақина мен ұсыныс - шоу үшін, хайп үшін жасалды деп, жалған айтып, құтылсам да болар еді, бірақ сіздерді алдап қайтем?! Шындығым - осы! Бұдан былай осы сұрақпен мазаламауларыңызды сұраймын" , - деп жазды Балжан.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары