Мәдениет & Шоубиз 26.02.2021 сағат 14:20

«Біз үйленейік деп жатырмыз»: Төреғали Толқынымен ерекше бейнебаян ұсынбақ (ВИДЕО)

Бұл жаңалыққа қатты қуанған өнер иесінің жанкүйерлері оларды жарыса құттықтап, өз ақ тілектерін жолдап жатыр.
«Біз үйленейік деп жатырмыз»: Төреғали Толқынымен ерекше бейнебаян ұсынбақ (ВИДЕО)
Фото: ашық дереккөз
Бөлісу
Бөлісу
Бөлісу

Қазақ эстрадасының жарық жұлдызы Төреғали Төреәлі жары Толқынмен түскен ерекше бейнебаянды жұрт назарына ұсынды. Аталмыш клип арқылы ерлі-зайыптылар өздерінің ажырасып кеткені жайлы қауесеттерге нүкте қойып, алдағы уақытта тағы да сәбилі болатындарын ресми түрде растады, деп жазады KAZ.NUR.KZ. 

Төреғали мен Толқынның қатысуымен түсірілген бейнежазба әншінің Instagram-дағы парақшасында жарияланған. Ерлі-зайыптылар Алматының әсем жерлерінде серуендеп, видео арқылы бақытты сәттерін көрсетеді.

Сонымен қатар, аталмыш туындының арқасында жұлдызды отбасының жақын арада тағы бір сәбимен толығатыны белгілі болды. Бейнебаянда Төреғалидің жары шығып қалған ішін ұстап, ресми түрде аяғы ауыр екенін хабарлады.

Бұл жаңалыққа қатты қуанған өнер иесінің жанкүйерлері оларды жарыса құттықтап, өз ақ тілектерін жолдап жатыр. 

"Бақытты болыңыздар. Мына өмірдегі бар жақсылықты тілеймін" , "Ғұмырлы болыңдар. Көп болыңдар" , "Не деген керемет жаңалық. Бесінші мәрте ата-ана боласыздар ғой" , "Ұлы дала баласы тағы да әке атанбақ. Толқын жарайсың, келіндердің барлығы сендей болсын" , "Толқын Төреш сіздерді шын жүректен құттықтаймын. Салиқалы ұрпақ дүниеге келсін" , "Бақытты болыңыздар" , "Халық сіздерді ажырастырып әлек. Сіздер болса бесінші рет балалы болғалы жатырсыздар" , - деп жазды оқырмандар.

Қызығы, Төреғали аталмыш видеоның астына "Біз үйленейік деп жатырмыз" деген жазба қалдырып қойған. Өнер иесінің бұл сөздері желідегілер арасында қызу пікірталас тудырды. Қалың көпшілік ерлі-зайыптылар тағы да үйлену тойын жасамақ деп болжады. 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар