Мәдениет & Шоубиз 08.09.2021 сағат 10:40

Жігер Ауыпбаев талантымен елді баураған қойшы баланы шәкірт етіп алды

Жігер жас баланың талантының ашылуына, халыққа танылуына көмектесу үшін алдымен оның ауылына барып, ата-анасының рұқсатын алды.
Жігер Ауыпбаев талантымен елді баураған қойшы баланы шәкірт етіп алды
Фото: ашық дерекөз
Бөлісу
Бөлісу
Бөлісу

"Бұлақ көрсең көзін аш!" Ғаламторда ән айтқан видеолары арқылы танылған қойшы бала өнер жұлдыздарын бей-жай қалдырмады. Жігер Ауыпбаев қой бағып жүрген жігітті қалаға әкеліп, өзіне шәкірт етіп алды, деп хабарлайды Stan.kz.

Жігер жас баланың талантының ашылуына, халыққа танылуына көмектесу үшін алдымен оның ауылына барып, ата-анасының рұқсатын алды. Сөзіне қарағанда, қойшы баланың талантына таңдай қағып, өнерін паш еткісі келген жалғыз ол емес екен. 

"Сайын далада еш заңдылыққа бағынбай қой бағып жүріп емін-еркін сайрап өскен Қойшы баланың бойынан бала күнгі Жігерді көргендей болдым. Туған ауылым Кегеннің оң жақ қапталынан орын тепкен Көкпияз ауылында балалық шағымның бір бөлшегі қой бағумен өткен еді. Өрісте қой кезекте жүріп кеш батқанша уақыт өтпей қоятын. Сол кезде астымдағы атымды тұсап қойып қойларға айқайлап ән айтып беретін едім. Таудың тәрбиесі бөлек қой", - деп бөлісті Жігер.

Ауыпбаев қойшы баланың ән айтқанын ғаламтор желісінен көріп қалып, нөмірін тауып хабарласқанын айтады. Айтуынша, ата-анасы өзінің жерлесіне, яғни Жігерге шәкірттіке беруге ниет еткен. 

"Ұстаздық еткен жалықпас,үйретуден балаға-дейді қазақ. Өзім әлі күнге дейін біреуге шәкіртпін. Десек те осы күнге дейін жиған азды-көпті ілім-біліміммен енді Қойшы баланы баптап көреміз.

Өнер жолы өте ұазақ жол. Бұл жолда өнерді сүйген адам ғана жетістікке жетеді. Арманға жету жолында қаншама қиындықтар,соқпақ жолдар кездеседі…

Солардың бәрінен сүрінбей өткен адамның маңдайы жарқырайды. Ал сіздер Қойшы бала екеумізге сәттілік тілеп,ақ баталарыңызды беріп қойыңыздар. Бұйырса жақын арада Қойшы бала екеумізден жаңа ән тыңдап қаларсыздар", - деп қуанышты жаңалығымен бөлісті Ауыпбаев.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар