Мәдениет & Шоубиз 12.10.2016 сағат 14:48

Гүлшара Әбдіқалықова «Жастар» театрының қойылымына барды

Қазақстан Республикасының Мемлекеттік хатшысы Гүлшара Әбдіқалықова елордадағы «Жастар» театрының «...Көзіме бір көрінсең, бала ғашық...» атты сахналық повесінің қойылымына барды деп хабарлайды Ақорданың баспасөз қызметі.

Бөлісу
Бөлісу
Бөлісу

Парламент депутаттары, еліміздің мәдениет және өнер қайраткерлері тамашалаған іс-шара Қазақстан Республикасы Тәуелсіздігінің 25 жылдығын мерекелеу аясында өтті. Қазақстан Республикасының Президенті Н.Ә.Назарбаевтың «Қазақстан Тәуелсіздігінің 25 жылдығын мерекелеу туралы» жарлығына сәйкес, қазан айына «Мәңгілік мұра» деген атау беріліп, ол Қазақстан халқы мәдениетінің жетістіктеріне, өнер мен шығармашылықтың баға жетпес үлгілеріне арналып отыр.

Көрермен назарына ұсынылған қойылым көрнекті жазушы Бердібек Соқпақбаевтың «Менің атым Қожа» туындысы негізінде қазіргі заманға сай үлгіде сахналанып, лирикалық әуенмен көмкеріліп, керемет үйлесіммен берілді.

Спектакль алдында Г.Әбдіқалықова республикалық бұқаралық ақпарат құралдары өкілдеріне сұхбат беріп, Мемлекет басшысының еліміздің мәдениет саласының маңызды рөлін талай рет айрықша атап көрсеткенін айтты. Бүгінде елімізде 64 театр, 234 мұражай, 4168 кітапхана және 3180 клуб жұмыс істейді.

Мемлекеттік хатшы «Жастар» театрында оның қазіргі жұмысымен, шығармашылық ұжымымен және алдағы жоспарларымен танысты. Гүлшара Әбдіқалықова еліміздің рухани-мәдени өміріндегі «Жастар» театры шығармашылық труппасының зор үлесін атап өтті.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар