$ 442.05 € 474.14 ₽ 4.74
Қазақстан Республикасы Тәуелсіздігінің 25 жылдығына орай Оңтүстік Қазақстан облысы Қазығұрт аудандық мәдениет сарайында «Домбыра-думан» атты кеш болып өтті. Кештің мақсаты – жас ұрпақты ұлттық құндылықтарға тәрбиелеу, домбыра аспабын кәсіби шеберліктерінің өсуіне ықпал жасау, өнерпаздарға кең жол ашып, қолдау көрсету болып табылды.
«Домбыра-думан» - домбырашы жастар ән салып, күй шертіп, жиналған көпшілікке өнер көрсететін мәдени шара. Бұл іс-шарада музыка мектебінен Мақсұт Шыршықбай, Әбдірашит Әміре, Атбұлақ ауылынан Ислам Мақсат, мәдениет сарайының әншілері Нұрхан Байтұрсынов, Сакен Шаумаровтар өз өнерлерін ортаға салды. Олар халық әні «Ой қарағай», Абайдың «Татьянаның хаты», Кенен Әзірбаевтың «Бастау» әндерін және Құрманғазының «Ақсақ құлан», Динаның «Наурыз», Қазанғаптың «18 жасар Балжан қыз», Т.Момбековтың «Ерке сылқым», «Салтанат» және т.б. күйлерін орындады.
Іс шараға қатысушылар қазақтың ұлттық құндылықтарын насихаттау, әлем жұртшылығы домбыраны тану арқылы қазақтай өнерпаз елдің мәртебесі қашан да биік екенін ұғынсын. Ата-бабаларымыздан асыл мұра боп жеткен домбыра аспабы ұлттық брендке айналсын деген тілекпен тарқасты. Шара соңында М.Тантабаева: «Ата-бабаларымыздан асыл мұра боп жеткен домбыра аспабы ұлттық брендке айналсын»-деп, мерекелік кешті түйіндеді.
