$ 443.72  482.28  4.9

Қазақстандық спортшы Мексикада өтіп жатқан турнирде сенсация жасады

Бірінші партияда франциялық спортшы 6:2 есебімен басым түсті.
Фото: instagram.com/yevseyevdenis
Фото: instagram.com/yevseyevdenis

Қазақстандық Денис Евсеев Мексикада өтіп жатқан Пуэрто-Вальярта челленджер турнирін жеңіспен бастады, деп хабарлайды ҚазАқпарат.

Дүниежүзілік рейтингте 314-орында тұрған қазақстандық теннисші бастапқы кездесуін әлемнің 198-інші, осы жарыстың 2-ракеткасы, франциялық Энцо Кокомен өткізді.

Бірінші партияда франциялық спортшы 6:2 есебімен басым түсті. Есесіне екіншісінде Д.Евсеев тай-брейкте таразы басын өзіне аударды – 7:6 (7:5). Сосын шешуші, үшінші партияда қарқынын үдетті – 6:2.

Екі сағат 17 минутқа созылған тартысты бәсеке барысында Д.Евсеев 2 эйспен бірге 12 брейк-пойнттың бесеуін өз есебіне жазды. Қарсыласы 3 эйс, 5 брейкпен (11 брейк-пойнт) көзге түсті.

Д.Евсеев ширек финалға шығу үшін әлемнің 225-ракеткасы, аргентиналық Марко Трунгельити немесе рейтингте 269-сатыдағы тунистік Азиз Дугаздың біреуімен таласады.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары