Жамбыл облысында құтыру ауруының ошақтары анықталды

Облыстың Шу және Т.Рысқұлов аудандарында құтыру ауруының ошақтары анықталды, деп хабарлайды Ulysmedia.kz.

“АПК Новости” басылымының жазуынша, ауру ошақтары мамандар қауіпті ауруды жою бойынша шұғыл жұмыс жүргізуге кіріскен. Қазіргі уақытта қауіп көзі жойылды.

Жамбыл облысы ветеринариялық басқармасының басшысы Нұржас Құрмантаевтың айтуынша, өңірдегі эпизоотиялық жағдай тұрақты бақылауда.

"Ағымдағы жылдың алғашқы төрт айында барлық мал аса қауіпті ауруларға тексерілді. Қаңтардан мамырға дейін жануарлардан қан сынамасы алынды. Зерттеу нәтижелері бойынша 310 ауру жануар анықталды: 100 бас ірі қара және 210 бас ұсақ мал. Барлық ауру ауыл шаруашылығы жануарлары санитарлық союға жіберілді, алдағы уақытта өлекселер қайта өңделеді", - деді Құрмантаев.

Конго-Қырым геморрагиялық безгегінің табиғи ошағы аймағына кіретін 33 ауылда ауыл тұрғындарының аулаларын, сарайларын, сондай-ақ жарты миллионға жуық мал басын зарарсыздандыру жұмыстарын жүргізу жоспарлануда.

"Қазіргі уақытта дезинфекциялық препараттар сатып алынды", - делінген хабарламада.

Айта кетейік, құтыру –  өлімге апарып соғатын аса қауіпті жұқпалы ауру. Ауру жануар тістеген кезде ауру сілекей арқылы адамға жұғады. Содан кейін жүйке жолдары арқылы таралатын вирус сілекей бездеріне, ми қыртысының жүйке жасушаларына, гиппокампаға жетеді және оларға әсер етіп, өлімге әкелетін ауыр бұзылуларды тудырады.