Павлодар облысында автогаз құю бекетінің 4 цистернасынан өрт шықты, деп хабарлайды Skifnews.kz ақпарат порталы.
Облыстық ТЖД мәліметінше, өрт Екібастұз қаласындағы автокөліктерге автогаз құю бекетінен шыққан.
Өрт жақын орналасқан «Феруза» азық-түлік дүкеніне ауысты. Өрттің көрші ғимараттарға, жолдан кейін 100 м қашықтықта орналасқан меншік үй секторларына өту қаупі бар, - деп хабарлады ТЖД өкілдері.
Оқиға орнында 20 қызметкер мен 7 техника жұмыс істеп жатыр.
Сағат 15.00-де түскен ақпаратқа сүйенсек, қазіргі сәтте өрт оқшауланды.
«Өртті сөндіру жалғасып жатыр», - делінген ТЖД Хабарламасында.
«SN.kz» ақпараттық порталына гиперсілтеме жасалған жағдайда ғана материалдарды қолдануға рұқсат етіледі. Ақпараттан дәйексөз алынғанда міндетті түрде сілтеме жасалуы тиіс. Жазбаша түрде рұқсат берілмеген жағдайда материалдарды коммерциялық мақсаттарға пайдалануға болмайды.
info.skifnews@gmail.com
