$ 439.43 € 473.31 ₽ 4.82
Түркістан облысында кәмелетке толмаған қызды зорлап, артынша бопсалаған күдіктіге сот үкімі шықты, деп хабарлайды Skifnews.kz.
Түркістан облысы қылмыстық істер жөніндегі мамандандырылған ауданаралық сотында зорлау фактісі бойынша қылмыстық іс қаралды.
Сотталушы кәмелет жасқа толмаған жәбірленушімен бірнеше рет жыныстық қатынасқа түсіп, ол әрекетін видеоға түсіріп алған.
Содан кейін оны жарияламау үшін қыздан ақша талап еткен.
Кейіннен порнографиялық материалдарды әлеуметтік желіде заңсыз таратқан. Жәбірленуші бұны көтере алмай өз-өзіне қол жұмсаған.
Сот үкімімен сотталушы ҚР ҚК 105-бабы, 3-бөлігі, 122-бабы, 3-бөлігі, 1-тармағымен, 58-бабының 3-бөлігіне сай 7 жыл 6 ай мерзімге бас бостандығынан айырылды.
Сондай-ақ, 2 жыл түпкілікті педагогикалық және кәмелетке толмағандармен жұмыс істеуге қатысты қызметпен айналысуға тыйым салынды.
Сотталушы кінәсін қылмыстық-атқару жүйесінің қауіпсіздігі орташа мекемесінде өтейді. Үкім заңды күшіне енген жоқ» делінген Түркістан облыстық сотының баспасөз қызметі таратқан ақпаратта.
