$ 441.66 € 475.14 ₽ 4.86
Қазақстан ТЖМ құтқарушылары жер сілкінісі салдарын жоюға көмек көрсету үшін Ауғанстанға жіберілді, деп хабарлайды Skifnews.kz ақпарат порталы.
ТЖМ баспасөз қызметі құтқарушылар Ауғанстанға Президент Қасым-Жомарт Тоқаев берген тапсырманы орындау үшін аттанып кеткенін мәлім етті. Барлығы 45 адам жолға шыққан. Олардың арасында Республикалық жедел-құтқару жасағының құтқарушылары, кинологиялық есеп тобы, Апаттар медицинасы орталығының дәрігерлері мен фельдшерлері бар.
Оқи отырыңыз: Ауғанстанда жойқын жер сілкінісі болды: 120 адам қаза тапты
Бұл құтқару операцияларында көпжылғы тәжірибесі бар білікті мамандар. Бірқатар құтқарушылар мен медицина қызметкерлері биылғы жылы Түркиядағы жойқын жер сілкінісі салдарын жоюға қатысқан, - деп мәлім етті ТЖМ баспасөз қызметі.
Топ қажетті жабдықтармен жабдықталған. Топты ТЖМ Азаматтық қорғаныс және әскери бөлімдер комитеті төрағасының міндетін атқарушы Ұларбек Әбікеев басқарады.
