$ 443.16  480.39  4.94

Батыс Қазақстанда жұқпалы инфекция тарап жатыр

Белгілеріне дене температурасының 39-40 градусқа дейін көтерілуі, бас ауруы жатады.
Фото: mgorod.kz
Фото: mgorod.kz

Батыс Қазақстан облысында жыл басынан бері бүйрек синдромы бар геморрагиялық қызбаның екі жағдайы тіркелді, деп хабарлайды Skifnews.kz ақпарат порталы.

«Мой город» басылымынының жазуынша, облыстық санитарлық-эпидемиологиялық бақылау департаментінің өкілдері Батыс Қазақстан облысы геморрагиялық қызбаның табиғи ошағы екенін еске салды.

Инфекция көзі және вирустың резервуары тышқандар, дала тышқандары және егеуқұйрықтар сияқты кеміргіштер болып шықты. Адамдар кеміргіштердің секрециясымен ластанған тағамдарды жеу немесе ауру жануарлармен тікелей байланыста болу арқылы геморрагиялық қызбаны жұқтыруы мүмкін.

Бұл аурудың негізгі белгілеріне дене температурасының 39-40 градусқа дейін көтерілуі, бас ауруы, бет пен шырышты қабықтың қызаруы жатады. Үшінші немесе төртінші күннен бастап төменгі арқадағы, асқазандағы ауырсыну, денедегі бөртпе және бүйректің зақымдану белгілері пайда болады.

Бұған дейін ДДҰ масалардың кесірінен жаңа эпидемия туындауы мүмкін екенін айтқан.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары