$ 449.88  486.64  4.83

Қазақстанда ақылы жолдардың бағасы өседі

Бүгінде 3 мың 200 шақырым жолға ақылы жүйе енгізілді.

Фото: Қазавтожол
Фото: Қазавтожол

ҚР Көлік министрлігі жолдардың ақылы учаскелеріндегі ақы мөлшерлемелерін арттыру бойынша жұмыс жүргізуде. Бұл туралы ведомство басшысы Марат Қарабаев айтты, деп хабарлайды Skifnews.kz ақпарат порталы.

Айта кетерлігі, Қазақстандағы жолдардың ақылы учаскелерінде жүру тарифтері алыс және жақын шетелдермен салыстырғанда ең төмен. Транзиттік ағынның өсуіне байланысты жолдардың жөнделген учаскелерінің қауіпсіздігін қамтамасыз ету мақсатында жол ақысын ұлғайту бойынша жүйелі жұмыстар жүргізілуде, – деді ол Үкімет отырысында сөйлеген сөзінде.

Ulysmedia.kz жазуынша, Министр бұл төлем ең алдымен транзиттік көліктерден қаражат жинауға бағытталғанын атап өтті. Бұл ретте ай сайынғы немесе жыл сайынғы сатып алу мүмкіндігімен отандық тасымалдаушылар үшін абоненттік төлем қарастырылған.

Оның айтуынша, еліміздегі жолдарды күтіп ұстауға жыл сайын 60 миллиард теңге көлемінде қаржы қажет. Осы мақсаттарда бюджетке түсетін жүктемені азайту үшін кезең-кезеңімен ақылы бөлімдер енгізілуде.

Бүгінде 3 мың 200 шақырым жолға ақылы жүйе енгізілді. 11 айда 26 миллиард 500 миллион теңге жиналған.

Келесі жылы біз қосымша 1 мың 200 шақырымға толлингті енгізуді жоспарлап отырмыз. Жалпы, 2029 жылға қарай қалпына келтіру жұмыстары аяқталып, 11 мың шақырымға ақылы жүйе кезең-кезеңімен енгізіледі, – деп қосты Марат Қарабев.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары