Килиан Мбаппе «Реал Мадрид» сапына ауысуы мүмкін

Transfermarkt порталы ойыншыны 180 миллион еуроға бағалап отыр.

Фото: prosports.kz

Франция құрамасы мен ПСЖ шабуылшысы Килиан Мбаппе франциялық клубпен келісімшартын ұзартуды жоспарлап отырған жоқ, деп хабарлайды Skifnews.kz ақпарат порталы Prosports.kz-ке сілтеме жасап.

El Chiringuito мәліметінше, 25 жастағы шабуылшы «Реал Мадрид» сапына ауысу мүмкіндігін қарастырып отыр және келісімшарт 2024 жылдың басында жасалуы мүмкін.

Осы маусымда Килиан Мбаппе париждіктер сапында турнирде 22 матч өткізіп, 21 гол соғып, екі нәтижелі пас берді.

Transfermarkt порталы ойыншыны 180 миллион еуроға бағалап отыр.