$ 478.58  520.84  5.44

«Әйелдердің тілі ұзын» деген депутат кешірім сұраудан бас тартты

Мен өз ойымды айттым, оған қақым бар.

 

Фото: parlam.kz
Фото: parlam.kz

Бұған дейін отбасындағы жанжалға әйелдердің тілінің ұзын болуы себеп екенін айтқан Мәжіліс депутаты Анас Баққожаев кешірім сұрамайтынын алға тартты, деп хабарлайды Skifnews.kz ақпарат порталы.

Мәжіліс кулуарында журналистер депутаттан бұл деп мәлімдеме жасауының себебін және ол қаншалықты орынды болғанын сұрады.

Мен психологиялық жағдай туралы айттым. Егер ер адам әйелге психологиялық тұрғыда әсер ете алатын болса, әйел де ер адамның жүйкесіне дәл солай әсер ете алады. Кикілжің төбелеспен немесе зорлық-зомбылықпен аяқталуы керек дегенді аңғартпайды. Әңгіменің ауанынан физикалық зорлық-зомбылықты алып тастау керек. Мен ондайға түбегейлі қарсымын, - деді Баққожаев.

Мәжілісмен әйел отбасының ұйытқысы екенін еске салды. Сонымен қатар өзінің сөздері үшін кешірім сұраудың реті жоқ екенін де алға тартты.

Не үшін кешірім сұрауым керек? Бұл хейт, таза хейт деп ойлаймын. Сөзімді бастар кезде-ақ «Әйелдер қауымы, кешіріңіздер» дегенмін. Бірақ дөрекі ештеңе айтқан жоқпын. Мен өз ойымды айттым, оған қақым бар. Егер он мыңдаған адам мұны отбасында талқыласа, бұл қайта жақсы деп ойлаймын, - деді ол.

ОҚИ ОТЫРЫҢЫЗ: 

Дереккөз: El.kz  

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары