$ 442.05 € 474.14 ₽ 4.74
Ал мемлекеттік қызметке менің сабырым жетпейтін сияқты.
Қазақстандық аралас жекпе-жек шебері Шавкат Рахмонов қандай жағдайда спортты тастап кететінін мәлімдеді. Бұл туралы кәсіпқой боксшы Айдос Ербосынұлының Youtube арнасына берген сұхбатында айтты, деп хабарлайды Skifnews.kz ақпарат порталы.
Жекпе-жекке жай төбелесіп, жеңілемін деген оймен шықпаймын. Бар күшімді көрсетемін. Мен жеңілемін немесе қарсыласым жеңіледі деген оймен шығамын. Сол үшін шығар жеңіске жетіп жатқаным. Егер осындай ойым болмаса мен шықпай-ақ қоямын. Мотивациям жоғалса, мінез жағынан басқаша ойлайтын болсам, спортты тастап кетемін. Мен жекпе-жекке шығып, біреулерден таяқ жеп жүретін адам емеспін. Намысым жібермейді, – деді Шавкат Рахмонов.
Сондай-ақ Шавкат спорттағы жолын аяқтаған соң немен айналысатынын да сөз етті. Айтуынша, мінезі мемлекеттік қызметкер болу үшін жарамайды.
Кәсіппен айналысқан дұрыс қой. Өзіңе-өзің бастық боласың. Ал мемлекеттік қызметке менің сабырым жетпейтін сияқты. Бірақ уақыт көрсетеді. Жақсы ұсыныс болса, күшім жететіндей немесе пайдам тиетіндей жұмыс болса жасаймын, – деді Шавкат Рахмонов.
