Нұралы Әліп «Зениттен» кету туралы ойлағанын айтты

«Зенит» пен Қазақстан құрамасының қорғаушысы Нұралы Әліп Санкт-Петербург клубынан кету туралы ойы болғанын айтты, деп хабарлайды Skifnews.kz ақпарат порталы.

24 жастағы қазақстандық жеткілікті дәрежеде алаңға шықпай жүргенде ресейлік клубтан кету туралы ойлаған, деп жазады El.kz.

«Зениттен» кетуім мүмкін бе еді, айталық, жалға берілуім мүмкін бе еді? Әртүрлі ойлар болды, жасырмаймын, әсіресе алаңға шықпай жүргенде. Әйтеуір күзде мүмкіндік берілді – бұрынғыға қарағанда көбірек ойнадым. Мұны аванс деп қарау керек. Сондықтан көбірек жұмыс істеу қажет, - деді футболшы.

Бұл маусымда қазақстандық «Зенит» сапында 23 матчқа қатысты.