Путин Мәскеудегі теракт үшін Украинаны айыптады: Қаза тапқандар саны 133-ке жетті

Ресей президенті Владимир Путин Украина Мәскеудегі Крокус Сити Холлда атыс ұйымдастырған лаңкестердің өтуге көмектескенін мәлімдеді, деп хабарлайды Skifnews.kz ақпарат порталы.

Путин бұл оқиғаны «қанды лаңкестік» әрекет деп атады.

Лаңкестік әрекеттің төрт тікелей орындаушысы, адамдарды атып өлтіргендердің барлығы табылып, ұсталды, олар қашуға әрекеттеніп, Украинаға қарай жылжыды, онда, алдын ала мәліметтер бойынша, олар үшін мемлекеттік шекараны кесіп өтге Украина жағынан терезе дайындалған, – деді РФ президенті.

Ол лаңкестік әрекетке қатысқандар жазасыз қалмайтынын айтты.

Қатысатындардың барлығы жазаланады. Олар кім болса да. Оларды кім басқарса да. Біз Ресейге шабуыл жасағандардың барлығын анықтап, жазалаймыз. Біз халықаралық терроризмге қарсы күресте басқа елдермен күш біріктіруге дайынбыз. Біздің міндетіміз – бір қатарда болу. Бірлігіміз бен ерік-жігерімізді ешкім де, ештеңе де шайқалта алмайды, - деді ол.

Айта кетейік, 22 наурызда Мәскеудегі «Крокус Сити Холлға» концерт кезінде террорлық шабуыл жасалып, ғимарат өртке оранды. Террористер ғимаратта 18 минут болған. «Крокус Сити Холл» концерт залындағы үйінділерді зерттеу барысында лаңкестік шабуылдан қаза тапқандар саны 133 адамға дейін өсті.

Ал бұған дейін Владимир Путин 24 наурызды Жалпыұлттық аза тұту күні деп жариялаған еді.