«Болашақ» жабыла ма: депутат Асхат Аймағамбетов пікір білдірді

Мәжіліс депутаты Асхат Аймағамбетов «Болашақ» халықаралық бағдарламасы төңірегіндегі жанжалға түсініктеме беріп, білім беру бағдарламасының жабылуына қарсы екенін мәлімдеді, деп хабарлайды Skifnews.kz ақпарат порталы Azattyq Rýhy сайтына сілтеме жасап.

Мәжіліс депутаты «Болашақта» белгілі бір кемшіліктер бар екенін мойындады. Оның пікірінше, дәл осы жағдай бағдарламаның жабылуына әсер етпеуі керек.

«Мен жабылуына үзілді-кесілді қарсымын. Бұл халықтың әлеуметтік осал топтарынан шыққан мыңдаған қарапайым адамның армандарын жүзеге асыра алатын бірегей жоба, бірегей бағдарлама деп санаймын. Олар әлемнің жетекші жоғары оқу орындарында оқуға мүмкіндік алды, олар бұл туралы ешқашан армандай да алмаған», - деді мәжілісмен.

Сонымен қатар, осы стипендияның арқасында мемлекет 10 мыңнан астам сұранысқа ие, мықты білікті кадр даярлай алды, дейді Аймағамбетов.

«Менің ойымша, кеңірек қарау керек. Әрине, олар айтқандай, хайпты ұстап, жабу туралы айтуға болады. Мұнда қателіктермен, проблемалармен жұмыс істеу керек, ал бағдарлама одан әрі дамиды деп ойлаймын», - деді ол.

Естеріңізге сала кетейік, бірнеше күн бұрын «Болашақ» халықаралық бағдарламалар орталығына қатысты жанжал шықты. «Болашақ» грантының иегері Валерия Гавриленкоға кепіл ретінде қол қойған журналистер – ОКҚ қызметкері Мақпал Дәрібаева мен «Хабар» телеарнасының редакторы Наталья Воробьева Президент Қасым-Жомарт Тоқаевқа видео-үндеу жазды.