$ 472.49  515.44  5.41

Астанада Құрбан айтта құрбандық шалу орындары анықталды

Биыл Құрбан айт мерекесінің басталуы 17 маусым, дүйсенбіге келеді.

Фото: Астана қаласының әкімдігі
Фото: Астана қаласының әкімдігі

Құрбан айт мерекесі қарсаңында елордалық базарларда құрбандық шалу орындарында санитарлық нормалардың сақталуын тексерді, деп хабарлайды Skifnews.kz ақпарат порталы.

Биыл 17-19 маусым аралығында аталып өтетін қасиетті Құрбан айт мерекесін атап өтуге байланысты Астана әкімдігі құрбандық шалу орындарын белгіледі:

- «Шанхай» базары

- «Баракат» базары (А-369 көшесі, 10)

- «Жайлау» базары (С-754 көшесі, ғимарат. 1)

- «Шолпан-ата» базары («Алаш» тас жолы, 27/2)

- Темір жол ЖМ (Ақжар көшесі, 20).

Айта кетейік, ауыл шаруашылығы жануарларының иелері, сою орындарының сатушылары мен иелері ҚР Ауыл шаруашылығы министрлігінің 2015 жылғы 27 сәуірдегі № 7-1/370 бұйрығымен бекітілген ветеринариялық-санитариялық талаптарды сақтауды сұрайды.

Мәселен, ауыл шаруашылығы жануарларын сою ережеге сәйкес берілетін есепке алу нөмірлері бар сою пункттерінде, ет өңдеу кәсіпорындарында немесе сою алаңдарында жүргізілуі тиіс.

«Бүгін біз ветеринариялық-санитариялық талаптардың сақталуын талқылау үшін сою нысандарының иелерімен кездесу өткіздік. 2 санаттағы рұқсат құжаттары жоқ жерлерде жануарларды союға тыйым салынады», - деді мемлекеттік ветеринариялық-санитариялық инспектор, бас маман Мелис Қайнулдаев.

Еске салсақ, биыл Құрбан айт мерекесінің басталуы 17 маусым, дүйсенбіге келеді.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары