Жамбыл облысында балабақша басшысы сотталды

Жамбыл облысында жеке меншік балабақшаның басшысы ірі көлемде қаражатты жымқырғаны үшін сотталды, деп хабарлайды Skifnews.kz ақпарат порталы.

Тараз қаласының прокуратурасы «РозАль» орталығы» жеке балабақшасы басшылығымен мектепке дейінгі ұйымдарды жан басына шаққандағы қаржыландыру аясында бөлінген 12 млн теңгеге жуық бюджет қаражатын жымқыру фактісін анықтады.

Балабақша басшысы іс жүзінде тәрбиеленбеген балалар үшін бюджет қаражаттарын алған.

«Алаяқтық фактісі бойынша қала прокуратурасымен қылмыстық іс тіркеліп, оны тергелуі Жамбыл облысының Экономикалық тергеп-тексеру департаментіне тапсырылды. Тараз қаласының №2 сотының 14.06.2024 жылғы үкімімен балабақша басшысы тәрбие/оқыту қызметін көрсететін кез келген меншік нысанындағы ұйымдар мен мекемелерде қаржымен байланысты материалдық жауапты лауазымдарды атқару құқығынан 3 жылға айыра отырып,  4 жыл мерзімге бас бостандығынан айыру жазасына сотталды», - делінген облыстық прокуратураның хабарламасында.

Сот үкімі заңды күшіне енген жоқ.