$ 475.03  517.21  5.44

Нұрлан Қоянбаев жаңа қызметке тағайындалды

Бұған дейін ол ҚР Президенті Телерадиокешенінің креативті директоры, «Қазақстан» ұлттық телеарнасының бас продюсері қызметін атқарған. Республикалық телеарналарда басқа да танымал жобаларды ұйымдастыруға атсалысты.

Фото: Түркістан облысының әкімдігі
Фото: Түркістан облысының әкімдігі

Продюсер, тележүргізуші Нұрлан Қоянбаев 1 шілдеде Түркістан облысы әкімінің креативті индустрияны дамыту бағыты бойынша штаттан тыс кеңесшісі болып тағайындалды, деп хабарлайды Skifnews.kz ақпарат порталы.

"Түркістан облысының әкімі Дархан Сатыбалдының өкімімен Нұрлан Қоянбаев креативті индустрияны дамыту бағыты бойынша облыс әкімінің штаттан тыс кеңесшісі болып тағайындалды", - делінген өңір әкімдігінің хабарламасында.

Нұрлан Қоянбаев 1979 жылдың 19 шілдесінде Қызылорда облысында дүниеге келген. 1996-2000 жылдар аралығында Әл-Фараби атындағы ҚазҰУ-дың Тарих факультетінде білім алған. 2009-2011 жылдары Экономика және құқық академиясында Қаржы және несие факультетінде оқыды. 2012-2015 жылдары Әл-Фараби атындағы ҚазҰУ-да халықаралық қатынастар мамандығы бойынша магистратураны бітірді.

Бұған дейін ол ҚР Президенті Телерадиокешенінің креативті директоры, «Қазақстан» ұлттық телеарнасының бас продюсері қызметін атқарған. Республикалық телеарналарда басқа да танымал жобаларды ұйымдастыруға атсалысты.

2021 жылы ҚР Президентінің Жарлығымен «Шапағат» медалімен марапатталды.

Сіздің реакцияңыз?
Ұнайды 1
Ұнамайды 0
Күлкілі 1
Ашулы 0

Серіктес жаңалықтары