Қарағанды облысында жол апатынан 4 адам қаза тауып, 3 адам зардап шекті (ВИДЕО)

Қарағанды облысында жол-көлік оқиғасы орын алды, деп хабарлайды Skifnews.kz ақпарат порталы. 

Полиция департаментінің баспасөз қызметінің мәліметінше, апат Қарқаралы қаласынан Ботақара ауылына дейінгі автожолда 18 тамыз күні сағат 11:00 шамасында болған. 

«Алдын ала мәліметтер бойынша, 20 жастағы ер адам Lada Priora көлігін басқара алмай, келе жатқан жолаққа шығып, 44 жастағы жүргізушісі бар Opel Vectra көлігімен соғысқан. Жол-көлік оқиғасы салдарынан екі жүргізуші де, Lada Priora жолаушысы да, Opel Vectra жолаушысы да сол жерде қайтыс болды», - делінген хабарламада.

Тағы 3 жолаушы әр түрлі жарақатпен ауруханаға жеткізілді.

Қылмыстық іс қозғалды. Тергеу жүргізіліп, тиісті сараптамалар тағайындалды.