«Бір отбасынан 5 адам қаза тапқан»: Ақтөбедегі жол апатына қатысты тың дерек шықты

Сотқа дейінгі тергеп-тексеру амалдары басталды.

Фото: видеоскриншот

Самара - Шымкент тасжолындағы апаттан соң Қобда аудандық ауруханасына жеткізілген баланы аман алып қалу мүмкін болмады, деп хабарлайды Skifnews.kz ақпарат порталы.

"Жедел жәрдем алғашында 3 жасар бала деп шамалап айтты. Түрлі дене жарақатын алған баланы аман алып қалу мүмкін болмады. Дәрігерлер 30 минут бойы жанталасқанымен, 2020 жылы туған бала көз жұмды. Ал ауруханаға түскен жүргізушінің жағдайы бірқалыпқа түсті. Қазір есін біледі, бірақ жағдайы ауыр. Оны санавиациямен Ақтөбе облыстық көпсалалы ауруханаға жеткізу жолы қарастырылып жатыр", — деп хабарлады Ақтөбе облыстық денсаулық сақтау басқармасының баспасөз қызметі.

Қайтыс болған екі адам - 12 жастағы қыз және 14 жастағы ұл. Жедел жәрдем 4 жасар бала мен 1996 жылы туған жүргізушіні ауруханаға жеткізген болатын.