«Киіміне, тісіне дейін кері пікір жазады»: Ләйлә Сұлтанқызы анасына тіл тигізгендерді орнына қойды

Қазақстандық танымал тележүргізуші Ләйлә Сұлтанқызы анасының сырт келбетін сынға алғандарға желіде жауап берді. Өнер иесі анасының киімі мен жүріс-тұрысына қатысты кері пікірлер жазылатынын айтты, деп хабарлайды Skifnews.kz ақпарат порталы.

Ләйлә Instagram парақшасында анасына жағымсыз пікірлер қалдырғандарға жазбаша жауап беріп, өзінің анасына деген қамқорлығын білдірді.

"Менің анамның киіміне, орамалына, жүріс-тұрысына, тісіне дейін сын айтатындар бар. Сол сыншыларға жауап: мен жанында бола тұра, оған бар жақсылықты жасамасам не істеймін? Жырақта жүргенде өзінен гөрі басқаларды ойлайтыны бар. Қолымнан келіп тұрғанда, анамды барынша жақсы нәрселермен қамту менің міндетім," - деп жазды Сұлтанқызы.