Алдағы мереке күндері қосымша теміржол пойыздары мен әуе рейстері іске қосылады

Көлік министрлігі алдағы мереке күндері елімізде қосымша теміржол пойыздары мен әуе рейстері іске қосылатынын мәлімдеді, деп хабарлайды Skifnews.kz ақпарат порталы.

“Сұранысты қанағаттандыру мақсатында 2024 жылғы 13 желтоқсан мен 2025 жылғы 9 қаңтар аралығында қосымша теміржол пойыздары мен әуе рейстері саны артады.

Тәуелсіздік күні мен Жаңа жыл мерекесі қарсаңында Ұлттық тасымалдаушы түрлі бағыттар бойынша жүретін қосымша пойыздарды іске қосады. Бұл пойыздар қосымша 43 мың жолаушыны тасымалдауға мүмкіндік береді”, – делінген хабарламада. 

Министрлік мәліметінше, мереке күндері жоғары сұранысқа ие бағыттарға 688 қосымша вагон тіркеледі. Пойыздар стандартты купе және плацкарт вагондарынан құралады.

Аймақтар бойынша қосымша вагондар:

• Солтүстік өңірі: 279 вагон – 12 188 орын.
• Батыс өңірі: 298 вагон – 12 824 орын.
• Оңтүстік өңірі: 96 вагон – 4 256 орын.

2024 жылғы 13 желтоқсаннан бастап қаламаңы бағытында 6 вагон бойынша 3 қосымша электр пойызы іске қосылып, 1 123 қосымша орын қамтамасыз етіледі:

• №7515/7516 "Астана – Бурабай курорты" күн сайын (сейсенбі және сәрсенбіден басқа);
• №7553/6811–6812/7556 "Қарағанды – Астана – Боровое курорты" жұма, сенбі және жексенбі күндері;
• №7509/6805–6806/7510 "Павлодар – Астана – Боровое курорты" аптасына екі рет: жұма және жексенбі күндері.

№201/202 "Астана – Алматы" пойызы:

• Астанадан: 13, 16, 19, 22, 25, 28 желтоқсанда және 1, 4 қаңтар ;
• Алматыдан: 14, 17, 20, 23, 26, 29 желтоқсанжәне 2, 5 қаңтар;
• №203/204 "Астана – Шымкент" пойызы;
• Астанадан: 13, 17, 20, 23, 26, 29 желтоқсан және 1, 4 қаңтар;
• Шымкенттен: 14, 18, 21, 24, 27, 30 желтоқсан және 2, 5 қаңтар;
• №205/206 "Ақтөбе – Астана" пойызы;
• Ақтөбеден: 13, 16, 19, 22, 25, 28 желтоқсан және 1, 4 қаңтар;
• Астанадан: 14, 18, 21, 24, 27, 30 желтоқсан және 3, 6 қаңтар.

Министрлік сонымен қатар, теміржол билеттерінің құны еш өзгеріссіз қалатынын алға тартты. 

Сонымен қатар мереке қарсаңында әуе рейстері де көбейеді.

Қазір қосымша 91 әуе рейсі іске қосылған. Оның ішінде "SCAT" әуекомпаниясы 39 рейс:

• Астана - Алматы-Астана бағыттары бойынша + 16 рейс;
• Алматы-Шымкент + 10 рейс;
• Алматы-Мәскеу +7 рейс;
• Алматы - Жезқазған + 2 рейс;
• Алматы-Ақтөбе + 2 рейс;
• Астана-Шымкент + 1 рейс;
• Алматы-Өскемен +1 рейс.

"Эйр Астана" әуекомпаниясы 10 рейсті қосты:

• Астана-Алматы + 10 рейс;

"FlyArystan" 39 рейс қосты:

• Астана-Алматы + 9 рейс;
• Алматы-Шымкент + 3 рейс;
• Астана-Шымкент + 3 рейс;
• Алматы-Павлодар + 3 рейс;
• Алматы-Ақтөбе + 2 рейс;
• Алматы-Атырау + 2 рейс;
• Алматы-Орал + 2 рейс;
• Астана-Қостанай + 2 рейс;
• Астана-Орал + 2 рейс;
• Астана-Атырау +2 рейс;
• Астана-Қызылорда + 2 рейс;
• Астана-Түркістан + 2 рейс;
• Ақтау-Атырау +2 рейс;
• Алматы-Қызылорда + 1 рейс;
• Алматы-Қостанай + 1 рейс;
• Алматы-Қарағанды + 1 рейс;
• Астана-Ақтөбе +1 рейс. 

"Qazaq Air" 3 рейс қосты:

• Астана-Ақтөбе-Астана +1 рейс;
• Астана-Шымкент-Астана +1 рейс;
• Астана – Қызылорда-Астана +1 рейс.

“Ішкі бағыттар бойынша тариф көтерілмейді, өзгеріссіз қалады. Әуе билеттерінің құны нарықтық факторларға байланысты өзгеруі мүмкін. Билетті алдын ала сатып алған абзал.

Әуе компаниялар техникалық мүмкіндікті ескере отырып, мереке күндері рейстерді ұлғайту жұмысын әлі де жалғастырады”, – делінген хабарламада.