«Майқайыңалтын» кенішінде жұмысшы қаза тапты

Павлодардағы «Майқайыңалтын» АҚ кенішінде жұмысшы қаза тапты. Оқиға бүгін күндізгі уақытта болған, деп хабарлайды Skifnews.kz ақпарат порталы El.kz - ке сілтеп.

Жұмыс барысында тиеу-тасымалдау машинасының жүргізушісі кері шегінген кезде жұмысшыны қағып кеткен. 1992 жылы туған ер адам ауыр жарақат алып, оқиға орнында көз жұмды. 

Облыстық еңбек инспекциясы оқиғаның мән-жайы мен себептері анықталып жатқанын айтты. Қазіргі уақытта арнайы тергеу басталды.