Қазақстанда үш атом электр станциясы салынады

Тоқаев Қазақстанда екінші атом электр стансасын салынуы мүмкін екенін жоққа шығармады, деп хабарлайды Skifnews.kz ақпарат порталы.

Бұл туралы Президент «Ana tili» газетіне берген сұхбатында айтты.

«Биыл конкурстық рәсімдер өткізіледі. Содан кейін Үкімет түпкілікті шешім қабылдайды. Қазақстанға қуатты атом стансасы қажет екені анық, мен бұған сенімдімін. Оған қоса, таяу арада екінші, тіпті үшінші атом электр стансасын салуымыз мүмкін екенін жоққа шығармаймын. Ядролық өнеркәсіп саласы қазірдің өзінде энергетика тапшылығына тап болып отырған экономикамызды өркендетуге зор серпін береді. Қазақстан ядролық энергетикасы дамыған елге айналуы қажет деп санаймын. Оның болашағы зор», - деді Қасым-Жомарт Тоқаев.