Қаңтар оқиғасында екі адамды атып өлтірген әскери сотталды

Алматы гарнизонының әскери сотында Айтжан Әубәкіровке қатысты қылмыстық іс қаралды. Ол билікті асыра пайдаланып, ауыр зардаптарға әкеп соқтырған қаруды қолдану бойынша айыпталды, деп хабарлайды Sкifnews.kz ақпарат порталы.

Сот отырысы жабық түрде өтті, және сотталушы Қылмыстық кодекстің 451-бабы 2-бөлігінің 1) тармағы бойынша жауапқа тартылды.

Сотталушы биліктің өкілі ретінде өзінің өкілеттіктерінен тыс әрекет жасап, нәтижесінде екі адамды өлтірді. Алматы гарнизонының әскери соты оның кінәсін сараптама нәтижелері, куәлар мен сарапшылардың айғақтары, оқиға орнын тексеру хаттамалары мен заттай дәлелдемелермен дәлелдеді.

Мемлекеттік айыптаушы соттан 7 жылға бас бостандығынан айыруды сұрады. Бірақ сотталушы өз кінәсін мойындамады.

Жәбірленушілердің өкілдері айыпталушыға заңның бар қатаңдығы бойынша жазасын беруін сұрады. Сот үкімі бойынша сотталушы 7 жылға бас бостандығынан айырылып, әскери атағынан да айырылды. Сонымен қатар, жәбірленушілердің пайдасына 20 млн теңге моральдық залал өндірілді. Сот үкімі әлі заңды күшіне енген жоқ.