Ақтауда жылу желілеріндегі апат салдарынан бала қатты күйік алды

Ақтауда жылу трассасында болған апатты жағдайдың салдарынан бала ауыр күйік шалды, деп хабарлайды Skifnews.kz ақпарат порталы Lada.kz сайтына сілтеме жасап.

Оқиға 4 наурыз сағат 19:30 шамасында 15-шағын аудандағы №13 үйдің жанында болған.

Апатқа жылу желілеріндегі мұз бен ескірген құбырлар себеп болды. 

“15-ықшамаудандағы №13 үйдің ауданындағы кәріз құбырынан жарылған ыстық суға ұлымның белі күйіп қалды. Ол реанимацияда жатыр. Кешке ауруханадан келсем, суды өшіріп қойған екен, жөндеу жұмыстарын жүргізіп жатты. Баланы құтқарып жатқанда, судың қысымын реттейтін шама болмады. Бірақ біздің балаларымыз соның салдарын көргені емес. Бұл оқиғаға жауапты біреу болуы керек деп есептеймін. Бұл немқұрайлылық”, – деді әйел.

“Каспий жылу, су арнасы” мемлекеттік кәсіпорны баспасөз қызметінің хабарлауынша, компания мамандары оқиға орын алған соң бұл туралы ақпарат алған.

“Әрине, күні бойы су ағып жатқан жоқ және ешкім назар аударған жоқ. Біз сигнал түскен бойда апат орнына жол тарттық, біздің мамандар түні бойы зардаптарды жоюмен айналысты. Олар қоршау орнатты. Бұл жылу желісіндегі ақау болды. Олар таңғы төртке дейін жұмыс істеді, қазір қазу және абаттандыру жұмыстары жүріп жатыр”, – деп хабарлады ұйым.