ШҚО-да байлаулы тұрған күшікті өртеп жіберген

Әлеуметтік желілерде тағы бір жантүршігерлік видео тарап кетті. ШҚО-да белгісіз біреулер күшікті қамап, оны тірідей өртеп жіберген, деп хабарлады Skifnews.kz ақпарат порталы Massaget.kz сайтына сілтеме жасап.

Жол жиегінде өртеніп жатқан үйшікті өскемендік еріктілер байқап қалған. Ішін қараған кезде шынжырмен байланған өлі күшікті тапқан.

"Оны өртіп жіберген. Асқан қатыгездікпен жасалған: күшік үйшікте қамалып қалған, есігі жастықпен жабылған. Қолғап киіп жасаған, ол жерде шашылып жатыр, үйшік мықты, ал шынжыры жаңа", - деп жазылған видеода.

Полиция бұл жағдайға пікір білдірді.

ШҚО Полиция департаментінің баспасөз қызметі мәліметінше, жануарларға қатыгездік көрсету дерегі бойынша қылмыстық іс қозғалған. Тергеу жүргізіліп жатыр.