Қазақстанның бірқатар аймағында өрт қауіпті кезең басталды

18 тамыз күні еліміздің бірқатар өңірлерінде күн қатты ысып, құбылмалы ауа райы болуы ықтимал, деп хабарлайды Қазгидромет.

Батыс Қазақстан, Маңғыстау облыстарында жел күшейеді. Желдің жылдамдығы - 15-20 м/с.

Синоптиктердің болжамы бойынша, Шығыс Қазақстан мен Қостанай облыстарында да күн бұлттанып, қатты жел тұрады. Солтүстік Қазақстан облысында да тұман түсіп, жел күшеюі ықтимал. Ақмола облысында күндізгі желдің екпіні 20м/с болады.

«Батыс Қазақстан, Атырау, Ақтөбе өңірлерінде аптап ыстық болады.
Маңғыстау, Алматы, Ақмола, Қостанай, Солтүстік Қазақстан, Қарағанды облыстарында қатты күн ысып, өрт қауіпті кезең басталды», делінген хабарламада.