Түркістан облысындағы өрт кезінде 12 адам терезедегі тордың кесірінен шыға алмай қалған

Түркістан облысы, Жетісай ауданы, Алғабас ауылында жантүршігерлік оқиға болып, жеке меншік екі қабатты үйде шыққан өрт кезінде 12 адам, соның ішінде балалар, қаза тапты, деп хабарлайды Skifnews.kz ақпарат порталы.

Алдын ала мәлімет бойынша тұрғындар терезелердегі торлар салдарынан оттегі жетпей, ғимараттан шыға алмаған.

Өрт таңғы сағаттарда басталған. Куәгерлердің айтуынша, өрт шыққан кезде үйден көмек шақырушылардың дауысы естілген адамдар терезелерді және торларды сындыруға тырысқан, бірақ бұл сәтсіз болған. Өрт сөндірушілер келгенде, ғимараттың төбесі опырылып түскен.

Құтқарушылар үй ішінде үш ересек пен тоғыз баланың мәйітін тапты. Тағы үш адам жеті жасар қыз және екі ересек аман шығарылды. Олардың жағдайы ауыр деп бағаланып отыр. Жарақат алғандар жедел жәрдем бөлімшесіне жеткізілді, екеуі өкпені жасанды желдету аппаратында. 

Шымкенттен жергілікті дәрігерлерге көмек көрсету үшін медициналық авиация бригадасы келді, қажет болса жарақат алғандарды Астанаға тасымалдау жоспарланып отыр.