Жаңалықтар 20.08.2014 сағат 03:20

Байбек мектептер мен ауруханаларды жемқорлардан тазартуға шақырды

Петропавлда ҮЕҰ өкілдерімен кездесу барысында «Нұр Отан» партиясы Төрағасының бірінші орынбасары Бауыржан Байбек  мұғалімдер мен дәрігерлердің беделін арттыру қажеттігін айтып, білім беру және денсаулық сақтау салаларында жемқорлық көріністеріне қарсы әрекет етуге шақырды, деп хабарлайды партияның баспасөз қызметі.

Бөлісу
Бөлісу
Бөлісу

— Дәрігерлер мен мұғалімдердің басым көпшілігі - ең бір қиын кезеңдерде осы салалардан қол үзбей, жұмыс істеуді жалғастыра берген жандар.  Олар еліміздің нағыз патриоттары.  Біз олардың бір кездегі беделін қайта көтеруіміз қажет. Ол үшін  пара алушылардан арамызды тазартуымыз керек, — деді Б.Байбек Солтүстік Қазақстан облысына жұмыс сапары барысында.

«Нұр Отан» партиясы Төрағасының бірінші орынбасары сонымен қатар жүйелік жағдайлар (лайықты еңбекақы, жақсы еңбек жағдайлары) жасау қажеттігін атап өтті.

— Ұстаздардың есеп берумен емес, тәлім берумен шұғылдануына мүмкіндік беруіміз керек, — деді ол.

Оның айтуынша, «бюрократия, қағазбастылық, әуре-сарсаң бар жерде, жемқорлық әрекеттерге  жағдай туады».

ҮЕҰ кездесуде Б.Байбек  бүгінгі күні «Нұр Отан» партиясы мүшелерінің жалпы санының 20 пайызын білім беру, 11 пайызын  денсаулық сақтау саласы қызметкерлері құрап отырғанын атап өтті. 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар