Жаңалықтар 20.08.2014 сағат 06:49

Астанада Конституция күніне орай өтетін іс-шаралар 50-ден асады

Елордада ҚР Конституциясының 19 жылдығына орай 50-ден астам шара ұйымдастырылады, деп хабарлайды Skifnews.kz.

Бөлісу
Бөлісу
Бөлісу

Астана әкімдігі ресми сайты мәлімдегендей, 28 тамызда «Думан» қонақ үйінде «Конституция  қоғам мен мемлекеттің дамуының стратегиялық негізі» тақырыбында ғылыми-практикалық конференция өтеді. Сонымен қатар, Конгресс-Холл сарайында көпшілік назарына мерекелік концерт ұсынылады. 29 тамызда Бейбітшілік және Келісім сарайында мемлекеттік мерекеге арналған салтанатты жиналыс пен концерт ұйымдастырылады. 30 тамызда Орталық алаңда қала тұрғындары мен қонақтарына арналған мерекелік концерт қойылады.

Елордалық білім мекемелері, мұражайлар мен кітапханаларда да мерекелік іс-шаралар, атап айтқанда, экскурсиялар, дөңгелек үстелдер, тақырыптық кештер ұйымдастырылады.

Қалалық балалар кітапханалары кішкентай астаналықтарға арналған танымдық тақырыптық кештер өткізеді. Экспозицияларда Ата заңымыздан үзінділер келтірілген, сондай-ақ, еліміздің мемлекеттік нышандары туралы жазылған иллюстрацияланған журналдар қойылады.

Елордада тамыз айында ҚР Конституциясының 19 жылдығын атап өту аясында халықтың әлеуметтік қорғалмаған топтарына бағытталған әлеуметтік маңызды іс-шаралар өткізіледі. Зейнеткерлерге 3 мың теңге көлемінде бір реттік ақшалай көмек көрсетіледі. Қарттар мен мүгедектерге арналған медициналық мекемеде «Наз» би театрының қайырымдылық концерті өтеді. 29-30 тамызда сауда орталықтарында мерекелік жеңілдіктер жасалады. Конституция күні кәмелетке толған елордалықтардың да жадында қалмақ. Дәстүр бойынша оларға салтанатты жағдайда Қазақстан азаматының жеке куәлігі табысталады.

Мереке күндері елорда тұрғындары мен қонақтары үшін жастар акциялары мен флеш-мобтар, балалар арасында асфальтқа сурет салу байқаулары мен спорттық шаралар, жарыстар ұйымдастырылады. ҚР Конституция күніне арналған шаралар Мичурино, Заречный, Ильинка, Көктал тұрғын алабтарында да өтеді.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар