Үшеуінің жағдайы ауыр: Өскемендегі жарылыстан зардап шеккендер туралы не белгілі

Өскемен қаласындағы «Казцинк» ЖШС аумағында болған жарылыстан кейін тоғыз адам медициналық көмекке жүгінді, деп хабарлайды Sn.kz ақпарат порталы.

Алдын ала мәліметтер бойынша, зардап шеккен екі адам ауыр жағдайда ауруханаға жеткізілген.

— Тағы бір адамға оқиға орнында реанимациялық көмек көрсетіліп жатыр. Бір зардап шегушіні кәсіпорын қызметкерлері өз күштерімен медициналық мекемеге жеткізді, — деп хабарлады төтенше қызмет өкілдері.

Сол жерде жедел жәрдемнің бес бригадасы жұмыс істеп жатыр. Қалған зардап шегушілердің жағдайы нақтыланады.