Өскемендегі жарылыстан 2 адам қаза тапты

Компанияның алдын ала мәліметінше, түтінсорғышты тазалау кезінде жарылыс болған. Одан кейін өрт шығып, құрылымдардың бір бөлігі құлаған, деп хабарлайды Sn.kz ақпарат порталы. 

Оқиға орнында жедел қызметтер жұмыс істеп жатыр, салдарын жою жалғасуда. Бес зардап шеккен адамға медициналық көмек көрсетілуде.

Арнайы комиссия құрылды – ол оқиғаның себептері мен барлық мән-жайын анықтайды.

Компания қаза тапқандардың отбасыларына және зардап шеккендерге материалдық әрі психологиялық көмек көрсетілетінін мәлімдеді.

Сондай-ақ қоршаған ортаға әсері тексеріліп жатыр. Алдын ала мәлімет бойынша, шаңның жергілікті таралуы тіркелген, алайда нормадан асу және қауіпті ластану анықталмаған.